പാലക്കാട്: മണ്ണാര്ക്കാട് തിരുവിഴാംകുന്ന് അമ്പലപ്പാറയില് യുവാവിനെ വെടിയേറ്റ് മരിച്ച നിലയില് കണ്ടെത്തി. ഇരട്ടവാരി പറമ്പന് മുഹമ്മദാലിയുടെ മകന് സജീര്(24) എന്ന ഫുക്രുദീനാണ് മരിച്ചത്. ഇന്നലെ രാത്രി 10 മണിയോടെയാണ് സംഭവം.അമ്പലപ്പാറ ക്ഷേത്രത്തിന് സമീപം പുഴക്കരയുള്ള തോട്ടത്തിലെ ഷെഡിലാണ് സജീറിനെ മരിച്ച നിലയില് കണ്ടെത്തിയത്. ഒപ്പമുണ്ടായിരുന്ന സുഹൃത്ത് മഹേഷിനെ പുഴയ്ക്കരികില് അവശനിലയില് കണ്ടെത്തി. താനാണ് സജീറിനെ കൊലപ്പെടുത്തിയതെന്ന് മഹേഷ് സുഹൃത്തിനെ ഫോണില് അറിയിച്ചിരുന്നു. താന് വിഷം കഴിച്ചിട്ടുണ്ടെന്നും മഹേഷ് പറഞ്ഞതായി സുഹൃത്ത് സാദിഖ് പൊലീസിനോട് പറഞ്ഞു
Photo Credit: Facebook